法国 Pilon Du Roy 黑皂膏 Hamman Black Soap湿疹适用

法国 Pilon Du Roy 嘅有机黑皂膏，一直系本店嘅皇牌产品之一。佢系一个冲凉用品，主要成分有摩洛哥坚果油 argan oil 、尤加利精油 eucalyptus essential oil 、同埋盐。过去黑皂膏一直用喺土耳其浴，深层清洁之余可以去死皮，但系我哋呢个黑皂膏经过改良，无传统嘅黑皂膏咁“杰身” 同干，所以好多有湿疹或者主妇手，用佢之后好返好多。点解？因为洗完唔干，唔干就唔𢯎，唔𢯎就唔损，然后就好返好多。

黑皂膏起泡好快，拎少少已经够，捽匀冲水又得，「腌」一阵至过水都得，甚至用嚟洗面都无问题，大人小朋友都可以用。

最多人问有关黑皂膏嘅问题，我都会一一解答：

1.黑皂膏可以洗面吗？可以日日用吗？佢有无使用期限？

黑皂膏其实无咩神奇，佢只系一个好普通嘅冲凉用品，佢嘅成分就系摩洛哥坚果油、尤加利精油同埋水。原则上番枧做到嘅嘢，黑皂膏都可以超额完成，所以你可以用佢嚟洗面洗手，但唔可以落妆。你可以日日用，早晚用；同番枧一样，佢都无使用期限（不过唔该唔好囤货，要用先买，买咗就用，OK？）

2.小朋友可以用黑皂膏吗？

所有冲凉用品嘅厂家都会同你讲，任何冲凉用品，3岁以上就可以用；佢哋咁样声明，唔代表3岁以下用咗会出事，而系大家都知道，3岁以下小朋友唔会污糟得去边，最多都系流吓汗，就算颜色笔整到手，应该都系好容易洗嘅适合小朋友用嘅颜色笔。所以，小朋友绝对可以用黑皂膏。

3.一罐黑皂膏可以用几耐？

呢个问题最难回答。我只可以拎自己嘅经验分享：一个人用，每日用一次（因为我有时候会用葡萄牙香枧冲凉），一罐大概用到二十几日。

4.黑皂膏要用手撩出嚟，系咪好唔方便？会唔会搞到罐黑皂膏湿晒？

黑皂膏系啫喱状，开始嘅时候要熟悉一下，只手窝窝地，湿身，拎黑皂膏，窝住手搽上身，捽匀，有条件嘅话俾黑皂膏「腌」一阵，然后冲水。我哋啲手指系分开嘅，唔系鸭掌，所以其实唔会有好多水滴入个罐，万一有，你钟意可以倒返啲水出嚟，请放心，黑皂膏好杰身，唔会倒到周围都系；就算唔倒啲水出嚟，都无事，因为黑皂膏本身成分都有水。至于用手撩系咪唔方便，我觉得视乎你对黑皂膏嘅期望值：如果你无湿疹或者其他皮肤问题，你可能以方便为考虑，但系如果你俾湿疹困扰，我相信你会尽一切努力令皮肤快啲好。

5.点解黑皂膏可以帮到湿疹？里面有无药？

黑皂膏成分只有摩洛哥坚果油、尤加利精油同埋水，无任何化学嘢，冲凉之后会觉得皮肤唔干，但系唔油腻；唔干，就唔痕，唔痕就唔𢯎， 唔𢯎就唔损，唔损咪好返咯。以上嘅逻辑，系几位用黑皂膏搞返好湿疹同主妇手嘅客人话我知嘅，我信，你呢？

6.黑皂膏有无泡？

黑皂膏有正常嘅泡，但唔系泡泡浴嗰种。事实上，你要泡？落化学嘢就得。但系化学嘢无益，有湿疹嘅人就更加忌泡，所以系呢方面，黑皂膏系及格嘅。

7.黑皂膏有无香味？

有，因为尤加利精油系有啲香味，但我觉得黑皂膏嘅香味，并唔系经典嘅尤加利，而系一种比较中性嘅香味。所以男女都可以用。事实上，好多客人嘅先生都好接受黑皂膏，觉得冲完好舒服。

8.有无人唔用得黑皂膏？

有，所有精油用品，理论上孕妇都要慎用，所以黑皂膏嘅包装上都用法文咁写。

每罐250克