美国 Georgette Klinger 马鲁拉果油妆前乳 Marula Primer

美国老字号 Georgette Klinger 嘅马鲁拉果油妆前乳 Marula Primer， 系采用盛产于非洲嘅马鲁拉果，佢质地轻盈，容易吸收，含有丰富氨基酸 amino acids（ L- 精氨酸同埋谷氨酸，具有保湿、抗衰老嘅特性）、脂肪酸 fatty acids（包括棕榈酸、硬脂酸、油酸与肉豆蔻酸，滋润保湿）；仲有抗氧化剂（例如酚类化合物、维生素 E 和 C，可对抗自由基，避免紫外线对皮肤造成的伤害。）

使用呢款马鲁拉果油妆前乳，可以将脸上嘅瑕疵变得无咁明显（即系雾化 blur 咗佢），令肌肤全天候都光彩照人。佢持久保湿，因为成分里面含有先进嘅透明质酸 hyaluronic acid 嚟缓和肌肤，确保上妆时块面好似丝绸咁滑溜，佢够薄身，所以唔会沉淀喺毛孔、细纹或者其他干燥部位。马鲁拉果油加上维他命 A、E、F 同 B 嘅滋养成份，可以深入渗透肌肤，锁住水分，防止明显嘅老化迹象。呢个妆前乳适用于所有油性同埋矽性粉底配方，系打造自然无瑕妆容嘅必要步骤。

用法好简单，不过都有啲讲究：喺洁面、爽肤之后，用干净嘅手指喺干净嘅皮肤上面，轻轻涂上一层妆前乳，然后等待 15-30 秒再上粉底同彩妆。要达到最佳效果，记得手法要轻，喺薄薄铺一层喺面度，而唔系捽落去。唯一可以轻手捽嘅部位，就系毛孔粗大或者有细纹嘅地方，例如鼻翼、眉心。

我自己用咗呢支妆前乳一段时间，我觉得佢唔油腻，但又足够滋润。我上星期喺新加坡，都系每日洗完面搽透明质酸，然后防晒、之后搽呢支妆前乳，再开始化妆。嗰妆都保持到成日，出少少汗、印一下就OK。几啱我呢类人！（记得搽完防晒再搽妆前乳！！）

GK 呢支妆前乳里面，系有 BHT（Butylated hydroxytoluene）：呢种物质系一种保鲜剂，喺护肤品化妆品食品药物里面都好常见，用途系避免产品接触空气之后变坏。老实讲，拎得出市面卖，有BHT真系唔出奇。不过除咗BHT，呢支妆前乳系纯素、无香料、无酒精、无染色、无麸质、不含对羟基苯甲酸酯，同埋无用动物测试。（50毫升）